ក៏ដូចជាប្រទេសជាច្រើនទៀតនៅក្នុងតំបន់អាស៊ីអាគ្នេយ៍  ការចូលរួមរបស់ស្រ្តីកម្ពុជា ទាំងនៅក្នុងស្ថាប័ននយោបាយ ទាំងជា
តំណាងក្នុងការចូលរួមឆាកនយោបាយនៅថ្នាក់មូលដ្ឋាន នៅមានកំរិតនៅឡើយ។  ការលំអៀងទៅរកភាពដឹកនាំជាបុរស គួបផ្សំជាមួយការបែងចែករវាង ក្រុង និងជនបទ បានបង្កើតឲមានគុណវិបត្តិយ៉ាងធំធេងចំពោះស្រ្តី  ជាពិសេសចំពោះស្រ្តី
ដែលភាគច្រើនកំពុងរស់នៅជនបទ។

ហេតុដូចនេះហើយ ទើបគំរោងប្រជាធិបតេយ្យយេនឌ័រ ត្រូវបានបង្កើតឡើងក្នុងគោលដៅសំខាន់ៗពីរ៖

• ជួយបង្កើនឲមានការនិយាយពីយេនឌ័រនៅថ្នាក់ជាតិ ដើម្បីនាំឲមានការផ្តួចផ្តើម និងរៀបចំ
  ទស្សនវិស័យ សំរាប់ប្រជាធិបតេ្យយេនឌ័រថ្នាក់ជាតិដ៏ពិតប្រកដ។
  នេះទាក់ទងទៅនឹង ការអភិវឌ្ឍន៍នូវការស្រាវជ្រាវថ្មី ដើម្បីបង្ហាញឲឃើញពីការលំអៀងផ្នែក
  យេនឌ័រព្រមទាំងបង្កើតទស្សនវិស័យដ៏សំខាន់មួយ។
  
• គាំទ្រការចូលរួមរបស់ស្រ្តីជនបទ នៅក្នុងឆាកនយោបាយ  តាមរយៈការអភិវឌ្ឍន៍នៃ
  ការចូលរួមនៅថ្នាក់មូលដ្ឋាន  និងជួយពង្រឹងសមត្ថភាព ដើម្បីជំរុញឲពួកគេអាច
  លើកឡើងពីរបៀបវីរៈផ្ទាល់ខ្លួនសំរាប់ការរីកចំរើន និងអាចធ្វើឲមានការធូរស្បើយពី
  ការបង្ខាំងក្នុងឆានយោបាយ។

កម្មវិធីនៅក្នុងប្រទេសកម្ពុជា មានគោលបំណងលើកយកគោលសំខាន់ដែលមានចំនុចប្រសព្វជាមួយយេនឌ័រៈ

• តំបន់ជនជាតិដើមភាគតិច ជាតំបន់គោលដៅសំរាប់ស្រ្តី ក្នុងការចូលរួមឆាកនយោបាយថ្នាក់មូលដ្ឋាន
  ហើយមានជនជាតិដើមភាគតិចច្រើនក្រុម កំពុងរស់នៅភាគឦសាននៃប្រទេសកម្ពុជា។
• ផែ្នកបរិស្ថាន ពីព្រោះស្រ្តីគឺជាតួអង្គសំខាន់ក្នុងការធ្វើកសិកម្ម  ហើយដើរតូនាទីយ៉ាងសំខាន់ក្នុងកិច្ចការ
  គ្រប់គ្រងធនធានធម្មជាតិ។